Fjársöfnun hjá Fríkirkjusöfnuðinum

Enn og aftur leitum við til safnaðarins.  með stuðning upp á  2.100 kr.    Þessar greiðslur í heimabanka eru valfrjálsar með öllu.

Fríkirkjan í Hafnarfirði  nýtur þeirrar sérstöðu að vera alfarið í eigu safnaðarins.  Við stjórnum okkur sjálf, án íhlutunar stjórnvalda eða annara kirkjudeilda.  Safnaðarstarfið er farsælt og margir leyta til kirkjunnar í gleði og sorg eins og þar stendur.  Sóknargjöld  sem innheimt eru með tekjuskatti hvers og eins eru helsti tekjustofn Fríkirkjunnar og duga rétt svo í það að halda úti starfinu með tvo presta í fullu starfi, tónlistarstjóra, í barnastarf o.s.frv. Fríkirkjan býr ekki við það að samningur séu um beinar launagreiðlur til presta og Fríkirkjan á ekki rétt á að sækja til jöfnunarsjóðs kirkna þó svo að hluti sóknargjalda renni þangað.  Við stöndum sjálf straum af öllum kostnaði.

Það sem verra er að skv. fjárlagafrumvarpi fyrir 2019 hækka sóknargjöldin nánast ekki neitt, aðeins um 0,3%.  Fara úr 11,172 í 11.208 kr/ ári á mann.  Sóknargjöldin hefa ekki fylgt verðlagi og launum frá 2008. Þau ættu á næsta ári að vera 15.236 kr. á mann væri rétt reiknað.  Ríkið hefur ekki staðið við fyrirheit frá samkomulagi og lögum um sóknargjöld frá 1987 þegar sóknargjöldin voru felld inn í staðgreiðslu skatta. Fríkirkjan er þannig hlunnfarin um 20 millj.kr árlega af sannarlegum sóknargjöldum sem fólk borgar í góðri trú  með staðgreiðslu skatta.

Við í  Fríkirkjunni myndum söfnuðinn, veljum að tilheyra honum af fúsum og frjálsum vilja.   Þess vegna er gríðarmikilvægt að finna þennan velvilja  þegar safna þarf fyrir verkefnum sem bíða okkar.  Fyrir dyrum standa lagfæringar á kirkjutröppunum og endurbætur á hitakerfi.  Þá þarf næst að gera endurbætur á safnaðarheimilinu, laga aðgengi og þá eru viðraðar hugmyndir um stækkun þess.