Kvenfélagið

Kvenfélagið styrkir m.a. kirkjuna og starfsemi hennar.

Vetrarstarf kvenfélagsins er að hefjast. Stjórn félagsins sendir þér góðar kveðjur og óskar eftir stuðningi þínum í vetur.

Stjórn 2016-17 skipa

Fríða Sæmundsdóttir, formaður.                  Sími 820-6563

Birna Loftsdóttir, ritari.                                  Sími 898-7454

Ragna Valdimarsdóttir, gjaldkeri.                Sími 690-0839

Sigríður,Valdimarsson, meðstjórnandi.      Sími 898-8633

Birna Bertha Guðmundsdóttir, meðstj.       Sími 565-4759

 

MIÐVIKUDAGINN 5. OKTÓBER  verður fyrsti fundur vetrarins í safnaðarheimilinu við Linnetstíg 6, kl. 20.00. Vetrarstarfið kynnt. Óvænt uppákoma.

SUNNUDAGINN 9. OKTÓBER verður kaffisala að lokinni messu í kirkjunni. Ath. messan hefst kl. 14.00.

Við treystum á þig eins og áður að senda okkur köku eða eitthvað annað. Allt er þegið með þökkum.   Tekið á móti kökum frá kl. 12.00 f.h., í safnaðarheimilinu.

MIÐVIKUDAGINN 2. NÓVEMBER. Fundur í safnaðarheimilinu kl. 20.00. Spilað verður Bingó.

SUNNUDAGINN 27. NÓVEMBER kl. 20.00 verður jólafundurinn í Skútunni. Að venju verður fjölbreytt dagskrá og happdrætti. Allir velkomnir.

MIÐVIKUDAGINN 1. FEBRÚAR 2017, verður aðalfundur í safnaðarheimilinu kl.20.00.

Venjuleg aðalfundarstörf.

SUNNUDAGINN 12. MARS 2017 verður okkar árlegi basar í safnaðarheimilinu, að messu lokinni.

Messan hefst k. 13.00. Nánar auglýst síðar.

 

Barnastarfið er hvern sunnudag kl. 11.00 í kirkjunni. Kvenfélagið styrkir m.a. barnastarfið, kirkjuna og starfsemi hennar.

8_img_1828

Nánari upplýsingar veitir Fríða Sæmundsdóttir í síma: 8206563 eða í tölvupósti: fridas@landsbankinn.is

Barnastarfið er hvern sunnudag kl. 11.00 í kirkjunnni. Kvenfélagið styrkir m.a. kirkjuna og starfsemi hennar.

 

Saga

Kvenfélag Fríkirkjunnar var stofnað 16. apríl 1923. Markmið þess var og er að efla starf kirkjunnar með því að afla fjár. Kvenfélagið hefur m.a. stutt barna- og æskulýðsstarfið frá upphafi sem og keypt ýmislegt sem söfnuðinn vantar, t.d. nýverið glæsilegan flygil sem hefur komið sér vel við athafnir í kirkjunni.

Fjáröflunin fer fram á Kaffidaginn, á jólafundi og með basar á vorin.
Á aðalfundi Kvenfélags Fríkirkjunnar í febrúar 2009 tók Fríða Sæmundsdóttir við sem formaður félagsins. Þakkar safnaðarstjórn fráfarandi formanni, Ingibjörgu Þorgeirsdóttur, kærlega fyrir hennar störf í þágu félagsins.

SAGA KVENFÉLAGSINS

Kvenfélagið (úr Sögu Hafnarfjarðar, 2. bindi, bls. 408-409):
,,Fyrsta verkefni Kvenfélags Fríkirkjusafnaðarins var að greiða kostnað við að setja upp ljós í kirkjunni og sjá um hreinsun hennar. Síðan hafa konurnar annazt um að prýða kirkjuna og lagt til búnað hennar og skrúða prestsins. Auk þess hefur kvenfélagið styrkt kirkjustarfið á ýmsan annan hátt, t.d. tekið þátt í orgelkaupum, greiðslu til organinstans, viðhaldi kirkjunnar o.fl. Fjár til starseminnar hefur félagið aflað með bösurum, hlutaveltum, happdrætti, úti- og inniskemmtunum og stundum með merkjasölu. Við Fríkirkjuna var stofnaður minningarsjóður um frú Guðrúnu Einarsdóttur, fyrsta formann kvenfélagsins, og hefur þessi sjóður oft hlaupið undir bagga, þegar fjárfrekar framkvæmdir við kirkjuna hafa verið á döfinni. Á síðari árum hefur Kvenfélag Fríkirkjusafnaðrins ásamt safnaðarstjórn og safnaðarprestum unnið að því að koma á fót barnasamkomum í kirkjunni til að laða börnin að kirkjulegu starfi. Kvenfélagið kostar þetta starf að öllu leyti, og hafa barnasamkomurnar verið vel sóttar. Þá hafa félagskonur gert sér glaðar stundir, er þær hafa komið saman til að vinna að ymsum menningarmálum.”

Framangreint er úr Sögu Hafnarfjarðar 1908-1983. Starfinu eins og það hefur þróast síðan þá gerum við skil við fyrsta hentgleika. (jgr / 2. maí, 2009)