Skráning í fermingarfræðslu
Ritningartextar fermingarbarna

Ferming er merkileg stund í lífi fermingarungmenna og fjölskyldna þeirra. Stór tímamót þar sem fermingarungmenni þiggur blessun og kærleiksrík orð sem veganesti í ferðalagið til fullorðinsára. Fermingin snýst fyrst og fremst um það að gleðjast með fermingarungmenninu fyrir það eitt að vera það sjálft og sýna því að maður stendur aldrei einn í lífinu. Við erum elskuð af Guði og elskuð af fólkinu okkar, sem stendur okkur nærri.

Í fermingarfræðslunni förum við yfir margt gagnlegt og skemmtilegt og veltum fyrir okkur mörgum stærstu spurningum samtímans. Ekkert er okkur óviðkomandi, hvort sem það er trú og efi, gleði og sorg, umhverfismál, samskipti kynjanna, mannréttindi, #metoo, kynverund, virðing eða jafnrétti. Leiðbeinendur fermingarfræðslunnar eru prestar Fríkirkjunnar í Hafnarfirði, Einar Eyjólfsson og Margrét Lilja Vilmundardóttir. Einnig fáum við góða gesti í heimsókn yfir veturinn.

Fríkirkjan leggur mikið upp úr góðu samstarfi við foreldra í gegnum fræðslu vetrarins og óskar eftir góðri þátttöku foreldra og fermingarungmenna í helgihaldi og einstaka fyrirlestrum yfir veturinn. Enda gott tækifæri á góðum gæðastundum.

Skráning í fermingarfræðsluna fer fram hér.

Allar nánari upplýsingar má nálgast með því að senda tölvupóst á ferming@frikirkja.is eða með því að hringja í kirkjuna í síma: 565-3430. Einnig er hægt að senda tölvupóst á einar@frikirkja.is eða milla@frikirkja.is. Verið hjartanlega velkomin í Fríkirkjuna í Hafnarfirði.

Fermingardagar 2022:

2. apríl 2022 (laugardagur)
10. apríl 2022 (pálmasunnudagur)
14. apríl 2022 (skírdagur)
21. apríl 2022 (sumardagurinn fyrsti)
8. maí 2022 (sunnudagur)
12. júní 2022 (sjómannadagurinn)

Fermingarfræðsla veturinn 2021 – 2022

Fermingarbörnunum er skipt í fjóra hópa og mætir hver hópur annan hvern þriðjudag í kirkjuna. Skipulag fræðslunnar eftirfarandi:

Hópur A: Hraunvallaskóli og Skarðshlíðarskóli Hópur
Hópur B: Öldutúnsskóli, Setbergsskóli og NÚ Hópur
Hópur C: Lækjarskóli og Víðistaðaskóli Hópur
Hópur D: Áslandsskóli, Hvaleyrarskóli og skólar utan Hafnarfjarðar