Góðu vinir!

Fríkirkjan leitar nú til safnaðarfólks um frjáls framlög til safnaðarstarfsins. Að þessu sinni er frjálsa framlagið 3.000 kr. og birtist í heimabanka með ógreiddum reikningum en er valgreiðsla. Allir ógreiddir seðlar falla niður um miðjan maí n.k.

 Sérstaða Fríkirkjunnar í Hafnarfirði liggur m.a. í fjárhagslegu sjálfstæði hennar. Sóknargjöldin, sem eru skattur sem allir landsmenn greiða, þurfa að standa undir öllum kostnaði við safnaðarstarfið og viðhalds á húsnæði okkar. Fríkirkjan hefur ekki sérsamninga við ríkið, til viðbótar við sóknargjöldin, líkt og Þjóðkirkjan hefur.

 Fríkirkjuna í Hafnarfirði munar sannarlega um frjálsu framlögin frá safnaðarfólki til að sinna því góða samfélagslega starfi sem þar fer fram.

 Stuðningur frá safnaðarfólkinu hefur verið að mestu til viðhalds á kirkjunni en núna er þörf á að sinna viðhaldi á safnaðarheimilinu og þá aðallega á þaki hússins.

 Fríkirkjan er skráð á almannaheillaskrá Skattsins og þessi framlög geta veitt skattafslátt.

 Hlýjar kveðjur,

safnaðarstjórn og starfsfólk Fríkirkjunnar í Hafnarfirði